கம்ப்ளீட் ரிவியூவுக்கு வருபவர்கள் பெரும்பாலானவர்கள் தேடு பொறிகள் வழியாகவே வருகிறார்கள். அதிலும் கூகுள் செய்து வருபவர்களே அதிகம், சென்ற ஆண்டில் தொண்ணூற்று இரண்டு சதவிகிதத்தினரின் வருகைக்கு கூகுளே காரணமாக இருந்திருக்கிறது. எனவே கூகுள் எப்படி ஆடினாலும் அது நம் தளத்தில் அதிர்வு ஏற்படுத்தவே செய்கிறது...கூகுள் செய்த மாற்றங்களின் காரணமாக கம்ப்ளீட் ரிவ்யூவின் பக்கங்கள் புழக்கடைக்குத் தள்ளப்பட்டு விட்டனவாம்- முதல் ஐம்பது நூறு கூகுள் ரிசல்ட்களில் கூட அது வருவதில்லை என்று ரிவ்யூவில் குறைபட்டுக் கொண்டிருக்கிறார்கள்.
சொந்த சரக்குக்குக் கூடுதல் முக்கியத்துவம் கொடுக்க வேண்டும் என்பதில் யாருக்கும் பிரச்சினை இல்லை. ஆனால் தரமான விஷயங்களை எழுதி தரமான விஷயங்களுக்குக் கொண்டு சேர்க்கும் கம்ப்ளீட் ரிவ்யூ போன்ற தளங்கள் இணையத்தில் இணையற்ற இலக்கிய சேவை செய்கின்றன என்பது கூகுளாண்டவருக்கு எப்படி தெரியாமல் போனது?
கூகுள் நிறுவனத்துக்கு எதிராக என் வன்மையான கண்டனங்களைப் பதிவு செய்கிறேன்.
